حاسّة ببعاد ,, حاسّة بفراغ ,, حاسّة بملل ,
.. حاسّة إن قلبى بقا ( أرض بور ) من ناحيتك
من كتر تراكمات الزعل ,,
حتى اللقا بقا ناقصو حاجة مغيراك .. ومغيرانى معاك أنا
وإن نهايتنا قربت لو حتى إرتبطنا من هنا لمليــون سنة
ما ضاعت خلاص أيام هنا .. أيام ما كنت فيها أنا إنتَ وإنتَ أنا !
هتقوللى نبعِـد .. هقوللك هِه يااااااااااااه لسه فااااكـــر
ماحنـا باعـدين مـن سنـة !!
طب حُبنّا : .... حُبنّا ؟!! ... ما قضيت عليه بالمَسكَنة
طب عمرنا : ... عمرنا ؟!! ... العمر إنهو ..
عمرك إنتا ولا عمرى أنا !!
طب زعلى منِك .. لأ بقا إن كان ولا بد حد يزعل فهو انا
(أنا اللى بيعت الكون وجيتلك لما شوفتك يوم صعبت عليا أنا )
بعديها وقفت بيك .. ومعاك .. وجنبك ,
وأول ما قلبك ده قِوى مقواش وقِسى غير على قلبى أنا
أيــــــوة أنا !!!
هصعب عليك وتقوللى نرجع ..
هقوللك إنسى إن نرجع ..
هو فى حد بغباؤه يعيدها تانى نفس المحزنة !!
هستأذنك مضطرّة أمشى .. ســـــلام ياللى كنت فيوم أنا