لقيت الفانوس مرة ودعكته
طلعلى عفريت قاللى شبيك لبيك
قلت
خلاص الذل انا ودعته
ويا عفريت بالطلبات هاهريك
قالى هـــأوأو يا
انسان
دأنا العفريت ابن الجان
مايهمنيش مكان وزمان
واطلب وعندى
البرهان
قلتله عاوز قمح زرع فى مصر
ومسؤولين يبطلوا فشر
وحكومة
متعصرنيش عصر
ومرتب يسترنى لآخر الشهر
وعاوز عيش بدون طوابير
وحكومة
ضد التبذير
وانتخابات من غير تزوير
ورئيس سابق اشوفه كتير
وعاوز
فى بيتى كيلو دقيق
وسبب مقنع لآى حريق
ومجلس شعب بدون تصفيق
وفى
كأس العالم لينا فريق
وعاوز مرة ازور شرم الشيخ
وصابعين كفته اللى فى
السيخ
واشرب مرة عصير بطيخ
واخرج من القسم بدون تلطيخ
ونفسى
الضحكة ترجع تانى
وحتة لحمة كندوز او ضانى
وجنيه مصرى زى البرانى
ورصيف
للمشى انا وخلاّنى
رد العفريب عليا بغشم
وقال يامصرى ماكنش العشم
بص
.. انا ممكن انقلك الهرم
واسدلك الازون اللى اتخرم
وارجعلك الاكل
اللى اتهضم
واعملك قصر من العدم
واقولك معنى شرم برم
بس طلباتك
طلبات ملموس
عقله خلاص اكله السوس
ده تخطيط يابنى ومدروس
انك تعيش
على طول موكوس
واحنا بناخد منكم دروس
ازاى نخلى العفريت متعوس
ويارب
ترجعنى تانى الفانوس
وزى بعضه اعيش محبوس
بدل ما اخرج واتهبدل زيك
واعيش
موكوس على متعوس
[b]
